Apr 12, 2010

နေရာ

ငါ့ကိုယ်ငါ.......
နေရာကျပြီ..
သို့တည်းမဟုတ်
နေရာရပြီ လို့
ငါ့စိတ်ကူးနဲ့ငါ မှောက်မှားခဲ့...။

မိခင်တယောက်လို ကြင်နာဖေးမ
ဇနီးမယားလို
ဝတ္တရားများ ကျေပြွန်ရ....
အိမ်ဖော်တယောက်လို
ရိုးကျိုးနာခံ
အပျော်မယ်လို
ဖြည့်ဆည်းခဲ့ရဲ့.........။

နှစ်ကာလတွေ ခြစားသွားခဲ့တယ်။
ပိုင်ဆိုင်ခြင်းမှာ လက်ဆုပ်လက်ကိုင်ပြစရာမရှိ
ခုတော့...
ငါဆိုတာက...
တန်ဖိုးသတ်မှတ်ရင်
အနှုတ်လက္ခဏာ ဆောင်ခဲ့ချေပြီ....။

Mirror

ခေါ်သံများ

ခြံရှေ့ရောက်တာနဲ့
အမေ ရော လို့သာ တန်းမေးတော့တာပဲ။
သိချင်ရင် အော်သာခေါ်...
ဟုတ်တယ် ...
အော်ခေါ်မယ်...
အမေ......(ရွာတောင်ဘက်ကို လှည့်လို့)
အမေ....( ရွာမြောက်ဘက်).....
အမေ...............)))))))))))))))
လည်ချောင်းတွေကွဲတဲ့ထိ...
မျက်နှာတွေရဲတဲ့အထိ.....
အော်စမ်း
ထပ်အော်ဦး....
အမေ.....)))))))

ခုတော့
ခြံရှေ့လည်းမရောက်နိုင်သေး
ဝမ်းခေါင်းသံနဲ့လဲ အော်မခေါ်နိုင်သေး....
လေလှိုင်းတွေကိုဖြတ်လို့... အမေလို့ ခပ်တိုးတိုးလေးခေါ်တော့
အမေက ဟေ တဲ့....။

............

ဘာပြောဦးမလဲဆိုတော့
ဘာမှမပြောတော့ပါဘူးကွယ်။
ပြောစရာမရှိတာမဟုတ်ဘူး။
ပြောစရာတွေများလွန်းလို့
ပြောစရာတွေပျောက်နေတာ....လို့ကိုယ့်စိတ်ကူးနဲ့ကိုယ်
ကွေကာအုတ်ပဲသောက်နေလိုက်တယ်။

အလို... ဒီစာကြောင်းတွေချရေးရင်း
ငါ့လည်ချောင်းတွေ ကွဲထလာတယ်။
ပြီးတော့...
ငါ့မျက်လုံးတွေဘာလို့ ၀ါးလာပါလိမ့်...။
နေပေ့စေဦး...ဘေးနားကဘော်ဒါတွေမသိခိုက်
ကြိတ်ရှိုက်လိုက်ပါ့ဦးမယ်...
ဒီတည..။

Mirror

ကူးစမ်းကွဲ့ ငါး

ကိုယ့်ရှေ့က နောင်တော်တွေအားလုံးလဲ လွမ်းခဲ့ကြပြီးပြီ
ငါလဲ လွမ်းရဦးမယ်။လွမ်းရဦးမယ်။လွမ်းရဦးမယ်။
ငါတို့ဟာ လွမ်းနေတဲ့ငါးတွေ.....
ငါတို့ဟာ သွေးအေးနေတဲ့ငါးတွေ....

ငါတို့ဆူးတောင်တွေက အဆိပ်မဲ့နေသမျှတော့
ငါတို့ ကူးခတ်ဖို့သာ တတ်နိုင်ခဲ့...

ငါတို့ အရိုးတွေက မမာခဲ့သမျှတော့
ငါတို့ကူးခတ်ဖို့သာ တတ်နိုင်ခဲ့...

ငါတို့သွေးက မရဲခဲ့သမျှတော့
ငါတို့ ကူးခတ်ဖို့သာ တတ်နိုင်ခဲ့...

ကူးခတ်ဖို့သာ
ကူးခတ်ရုံသာ...
ကူးခတ်ရဦးမှာ....။.............။

Mirror

ငါးကလေးတကောင်ရှာပြီးပို့ပေးတဲ့ ချစ်သောငါးလေးတကောင်ကို ကျေးဇူးတင်ပါကြောင်း :)

မီးပုံးပျံလွှတ်ကြရအောင်

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...
မီးစာဖိုး တတ်နိုင်မယ့်တနေ့မှာ...။

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...
မပြောတဲ့လူသန်တွေ သန်လာမယ့်တနေ့မှာ..။

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...
ဆယ်လမွန်ငါးတို့ ပြန်လာနိုင်မယ့်တနေ့မှာ..။

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...
လှောင်အိမ်ထဲက ငှက်ကလေးတွေလွတ်မြောက်မယ့်တနေ့မှာ...။

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...
နွားနို့ထဲကို ရေတွေရောရောပစ်တတ်လေသော
ဒီခေတ်ကြီး ဆိတ်သုဉ်းမယ့်တနေ့မှာ....။

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...

ဝါလကင်းလွတ်သီတင်းကျွတ်လေပြီ
မီးပုံးပျံလွှတ်ကြရအောင်...

Sep 6, 2009

ပွဲ

လမ်းကြားလေးတစ်ခုပါပဲ
...............။
အလင်းနဲ့ အမှောင်စီးချင်းသတ်ကြတဲ့နေရာ....
ညနဲ့လ ဇွဲခတ်ကြတဲ့နေရာ...
မိန်းမတစ်ယောက်အတွက်
မနက်ဖန်တွေ လောင်းကြေးထပ်တဲ့နေရာ....။

Mirror
5.09.09

Sep 5, 2009

တမ်းတ

သက်ပြင်းမှုတ်သံတချက်တချက်စီမှာ.....
နှာခေါင်းဝဆီက ထွက်လာတဲ့ခပ်နွေးနွေးအပူငွေ့တွေကို....
သစ်ရွက်စိမ်းတွေဆီက ဇိမ်းရွှေရွှေ(စိမ်းရွှေရွှေ)ရနံ့ကို
နှစ်ခြိုက်နေမိသလား...။
မပြောတတ်တော့ပါ
ဘာကိုမှလဲ ဆက်လက်ပြောကြားလိုစိတ် စိုးစဉ်လေမျှမရှိတော့ပါ။

တိမ်တောက်တဲ့ ညနေ၊
ရေတမာပင်ရိပ်သန်းတဲ့ ညနေ၊
သံလွင်မြစ်ရေစီးသံ သွဲ့သွဲ့ညင်သာတဲ့ ညနေ..၊
သိပ်လှတဲ့ညနေ၊
ဟော့ဒီ အထီးကျန်တဲ့ညေ
နမှာ......
ဟိုးဘက်သံလွင်မြစ်ဆီ တစ်ရိပ်ရိပ်ကျဆင်းနေတာဟာ
ဆည်းဆာလား..
ကိုယ်ကိုယ်တိုင်လား...
ကျရှုံးမှုမှာ ငါရင်မခုန်နိုင်ဘူး ညနေရေ....
ငါ...မရယ်၊မပြုံးပြနိုင်တဲ့အတွက် ခွင့်လွှတ်တော့လေ...ကွယ်......။

လျှောခနဲ၊လျှောခနဲ နဲ့
လျှောကျနေတဲ့...
ဆည်းဆာရေ....
ဒီတစ်ညတော့မင်းလဲ တစ်ထောက်နားလိုက်ဦး..
ငါလဲငါ့နှလုံးသားကို တစ်ညအနားပေးမယ်။

မှုတ်ထုတ်လိုက်တဲ့ သက်ပြင်းထဲမှာ
အပူငွေ့တွေပါသွားပါစေ။
ဇိမ်းရွှင်ရွှင်ရနံ့တွေတော့ ချန်ထားခဲ့ပါဦး။
ငါ့အသက်ရှူသံခပ်ပြင်းပြင်းမှာ.....၀င်ကယ်ထွက်ကယ်နဲ့...
အဲ့ဒါ အပူငွေ့တွေများ။

ဘယ်ရောက်သွားလဲ၊
သူဘယ်ရောက်သွားသလဲ.........
ခင်ဗျားတို့သိထားရမှာက
ပြန်မရတော့တာဟာ
အတိတ်ဆိုတာကိုပါ။


Aug 9, 2009

သူနဲ့ကျနော် အဖြေမပေါ်လေသော ပုစ္ဆာ

သူက ကျနော့်ကို....
ဘာသာရပ်တစ်ခုခုမှာ ထူးချွန်စေ့ချင်တယ်။

သူက ကျနော့်ကို....
လူဆိုတာ တစ်နေရာရာမှာ သေသပ်ကျနစွာ
ပြောင်မြောက်ရမယ်လို့
ရှုံ့ချပြောတတ်သေးတယ်။

သူက ကျနော့်ကို....
သံချေးတက်နေတဲ့ဓား မဖြစ်စေချင်ဘူး။
သူကိုယ့်သူ ဓားသွေးကျောက်အဖြစ်ခံပြီး
ကျနော့်ကို ထက်မြတဲ့ဓားတစ်လက်ဖြစ်စေချင်တယ်။
အဲ့ဒိဓားနဲ့..
ကျနော့်ခရီးကို ကျနော့်ဘာသာထွင်ခိုင်းတယ်။

သူက ကျနော့်ကို........
ငတ်ပြတ်နေတဲ့ အမှိုက်ပုံနားက ကလေးတွေကအစ၊
မိုးထဲ၊လေထဲ ကားနံဘေးမှာခိုက်ခိုက်တုန်နေရင်း
ပန်းရောင်းနေတဲ့ကလေးတွေအလယ်
ပေတရာလမ်းမပေါ်မှာ တလကြမ်းမောင်းသွားတဲ့
မှန်အလုံပိတ်ကားထွေထဲက လူတွေအဆုံး...
နှလုံးသားထဲထိ ပစ်ပစ်ထည့်ပြီး
ရင်ဘတ်နဲ့ ဆန့်သလောက်ခံစားနေတဲ့
ထိလွယ်၊ရှလွယ်၊ကျိုးလွယ်ကြေလွယ်တဲ့လူတစ်ယောက် မဖြစ်စေချင်ဘူး။

သူက ကျနော့်ကို....
မြန်မာပြည်ရဲ့အပြင်ဘက်ကို ထွက်ရပ်စေ့ချင်တယ်။
ခင်ဗျားနဲ့သင့်တင့်လျောက်ပတ်တဲ့ လူ့ပတ်ဝန်းကျင်တစ်ခုမှာ
မရှင်သန်ချင်ဘူးလားလို့
မေးလား မေးတတ်သေးတယ်..။

သူနဲ့ကျနော်
အဖြေမပေါ်လေတဲ့ သို့ကလိုပုစ္ဆာတွေကြောင့်
မိုးချုပ်ညနေ၊
မွေးမေမေတွေ မျက်ရည်တွေတဲ့အထိ
အဖြေဖွေလို့ မစွမ်းခဲ့လေဘူး။

ဒီလိုနဲ့.....
ကျနော်တို့နှစ်ဦးသား
လှလှပပလေး၊ပြီးတော့ သေသေသပ်သပ်လေး
ရင်းနှီးရိုးသားခဲ့ကြတယ်။
နှလုံးသွေးချင်းဖောက်ဖို့မလို
သွေးသောက်ရဲဘော်တွေ ဖြစ်ခဲ့ကြတယ်။



Mirror
(ချစ်သော သူငယ်ချင်းသို့)
 
Design by Pocket Blogger Templates